Dika
Dika
Mna M. Nokaneng pukung ya gagwe ya Segagešo, o tlhaloša dika bjalo ka mebolelwana ya tlhago yeo tlhaloša ya yona e sa hwetšagalego ga bonolo goba tlhalošo e ka senkwago go mantšu ao a bopago mebolelwana ya gona. Sebopego sa dika se a fetogafetoga. Dika di theilwe godimo ga lediri leo le ka šomišwago le mainamantšu ka go fapanafapana ga ona fela gona le dika tšeo di hlangwago ka lediri bj.k. tsebe ya kgauswi, pudi ya tsela, bjala bja phiri. Di tšweleletša therešo ya bophelo o e bile di na le mokgwa wa go se šomiše maroga.
Tla re go nyetlele go se nene ka tše dingwe tša dika tšeo di tlwaelegilego. Tše dingwe di na le ditlhalošo mola tše dingwe di sa tlhalošwa. Ka ge re tlile go šogana le mokgopha wo mmogo, go tšweletša pelo tšhomišo ya tše di bopago setšo sa gešo, re holofela gore o tla re ngwalela wa re thuša ka tše dingwe tša dithlalošo tša dika tše.
PELO
Go ba le pelo-Go kgotlelela
Go fela pelo-Go bona o ka re dilo ga di direge ka pela.
Go bea motho pelo-Go holofetša.
Go phula pelo maroba-Go hlolešetša motho taba gore a e kwišiše.
Go fišega pelo-Go ba le kganyogo ya go hwetša seo se nyakwago ke pelo.
Go fifala pelo-Go nyama.
Go ba le pelo ye tšhweu-Go loka.
Go ba le pelo ye ntsho-Go ba le kgopolo tše dimpe.
Go kgebiša pelo-Go ikgoptsofatša/go ikgodiša.
Go swara pelo ka seeatla-Go tšhoga o sa tsebe gore o tla hlagelwa ke eng.
Go kgoka pelo-Go se itlwaetše go duma dilo.
Go ja pelo-Go dula motho a tšhogile mathata ao a tsebago gore a tlilo mo wela.
Go tlala pelo-Go befelwa.
Go hwa pelo-Motho ge mekgwa ya gagwe le mediro e le ye mebe kudu gomme go bona a sa tshwenyege moyeng ka ga yona ra re o hwile pelo.
Go kgaoga pelo-Go šokwa
Go ruruga pelo-Go belaela se sengwe.
Ba mo utswitše pelo-Go dira gore o be mamoratwa.
O theletše pelo ruri-O hlakile.
MOLOMO
Go loya ka molomo-Go hlolela yo mongwe madimabe.
Go ba le molomo o tee-Go bolela taba e tee ka go kwana.
Go ba le molomo wa batho-Go bolela ba bangwe.
Go hloma molomo-Go se nwe kudu.
Go se be le molomo o botse-Go se hutše gore taba e tla direga gomme gwa ba bjalo.
DIKA KA KAKARETšO
Go loma motho tsebe-Go sebotša motho ka ga se sengwe.
Go gata taba-Go tšhaba go itsenya ditabeng.
Go bolelwa ke boroko-Go se hlalefe.
Go bolaya motho hlogo e ntsho-Go senyetša motho yo mongwe.
Go phula pelo maroba-Go hlalošetša motho taba Gabotse gore a kwešiše.
Go ya seyantlo-Ge mosadi wa go thiba sekgoba sa mogolo wa'gwe yo a hlokofetšego
Go yo tšholla bongwetši-ketelo ya mathomo ya mosadi gagabo morago ga lenyalo..
Go hloka tsebe-Go sebe le kwešišo.
Go hloka thari-Go se bone pelego.
Go ba le leleme-Go ba le maaka.
Go ba le mahlo a mantši-Go ba le megabaru.
